စာနယ်ဇင်း လွတ်လပ်ခွင့် အနိမ့်ကျဆုံး နိုင်ငံစာရင်းထဲမှာ ပါဝင်ဆဲ

အမေရိကန်အခြေစိုက် ​စာနယ်ဇင်းသမားများ ​ကာကွယ်စောင့်ရှောက်ရေး ​ကော်မတီရဲ့ ​အစီရင်ခံစာအရ ​မြန်မာနိုင်ငံဟာ ​စာနယ်ဇင်း ​လွတ်လပ်ခွင့် ​အနိမ့်ကျဆုံး ​ဆယ်နိုင်ငံစာရင်းထဲမှာ ​ဆက်လက်ပါဝင်နေကြောင်း ​သိရပါတ ယ်။

ကမ္ဘာ့စာနယ်ဇင်းလွတ်လပ်ခွင့်အမှတ်တဆိပ် 

စာနယ်ဇင်းသမားများ ​ကာကွယ်စောင့်ရှောက်ရေး ​ကော်မတီ ​CPJ ​က ​နှစ်စဉ်အစီရင်ခံစာထုတ်ပြန်ပြီး ​ကမ္ဘာ့စာနယ်ဇင်းလွတ်လပ်ခွင့် ​အနိမ့်ကျဆုံးနိုင်ငံ ​ဆယ်နိုင်ငံစာရင်းကို ​ထုတ်ပြန်နေခဲ့ရာမှာ ​မြန်မာနိုင်ငံက ​နှစ်ပေါင်းများစွာ ​နှစ်စဉ်ဆက်တိုက်ပါဝင်ခဲ့ပါတယ်။
မြန်မာနိုင်ငံဟာ ​မကြာသေးခင်နှစ်တွေအတွင်းက ​စာရင်းထိပ်ပိုင်းမှာ ​နေရာယူခဲ့ပေမယ့် ​အခုနှစ်မှာတော့ ​နံပါတ်(၇)နေရာချိတ်ခဲ့တဲ့အတွက် ​တိုးတက်မှုရှိလာတယ်လို့လည်း ​တနည်းအားဖြင့်ပြောနိုင်ပေမယ့်လည်း ​ဒီမိုကရေစီစနစ်ကို ​ကူးပြောင်းနေပြီဖြစ်တဲ့ ​မြန်မာနိုင်ငံအနေနဲ့ ​စာရင်းထဲမှာ ​ဆက်ပြီးပါနေတာဟာ ​ကောင်းတဲ့အလားအလာမဟုတ်တဲ့အတွက် ​မြန်မာအစိုးရအနေနဲ့ ​စာနယ်ဇင်းလွတ်လပ်ခွင့်နဲ့ပတ်သက်ပြီး ​ဆက်လက်လုပ်ဆောင်စရာတွေ ​မြောက်များစွာကျန်နေသေးတယ်လို့ ​မြန်မာ့အရေးလေ့လာသူတချို့က ​သုံးသပ်ထားကြပါတယ်။
CPJ ​ရဲ့ ​အစီရင်ခံစာထဲမှာ ​ဖော်ပြချက်တွေအရ ​ပြီးခဲ့တဲ့ ​နှစ်အတွင်း ​မြန်မာနိုင်ငံက ​အင်တာနက်ဆိုင်တွေမှာ ​အိတ်ဆောင်အချက်အလက်သိုမှီးတဲ့ ​ဖလက်ရ်ှဒရိုက်ဗ်တွေအသုံးမပြုဖို့နဲ့ ​အင်တာနက်ပေါ်ကတဆင့် ​ဖုန်းဆက်သွယ်စကားပြောဆိုနိုင်တဲ့ ​(VoIP)စနစ် ​သုံးစွဲခွင့်ပိတ်ပင်တဲ့ ​အမိန့်ထုတ်ပြန်ခဲ့တာတွေ၊  ​ပြည်တွင်းမှာ ​ထူးခြားဖြစ်စဉ်ရှိခဲ့ရင် ​သတင်းယူနိုင်ဖို့ကြိုးစားတဲ့ ​နိုင်ငံတကာသတင်းထောက်တွေကို ​ပြည်ဝင်ခွင့်ဗီဇာထုတ်မပေးပဲ ​ပိတ်ပင်ထားတာတွေ၊ ​အင်တာနက်ပေါ်မှာ ​ရေးသား ​ဆွေးနွေးမှု ​ဖြန့်ဝေမှုတွေကို ​အရေးယူနိုင်ဖို့ ​အစိုးရက ​ဥပဒေပြဌါန်းထားတာတွေ ​စတာတွေအတွက် ​မြန်မာနိုင်ငံဟာ ​စာနယ်ဇင်းလွတ်လပ်ခွင့် ​နိမ့်ကျဆိုးဝါးတဲ့ ​နိုင်ငံ ​ဆယ်နိုင်ငံ ​စာရင်းထဲမှာ ​ဆက်လက် ​ပါဝင်နေတာဖြစ်ကြောင်း ​သိရပါတယ်။
မြန်မာထက်နိမ့်ကျနေတဲ့နိုင်ငံတွေကတော့ ​အူဘက်ကစ္စတန်, ​Equatorial ​Guinea, ​အီရန်၊ ​ဆီးရီးယား၊ ​မြောက်ကိုးရီးယားနဲ့ ​အီရီထရီးရားနိုင်ငံတို့ ​ဖြစ်ကြပါတယ်။